Eddie Martin Driving Tour: 9月 2015

2015年9月16日星期三

朋友今日就會係Shangri-La's Rasa Ria Resort & Spa舉行婚禮，係未行禮之前就遊覽下酒店先。酒店有自己海灘又對住大海，係酒店大堂感覺已經好relax。

泳池附近有戶外餐廳，可以一邊食一邊享受陽光同海風。我係泳池旁邊行下行下，竟然見到有一隻松鼠出嚟搵食，好可愛呀！

酒店有一個小商場，入面有紀念品、零食、髮型屋…等等，亦有附設嘅Spa中心。去Spa中心要係紀念品外的服務枱預約，之後提前15分鐘到大堂通知服務員，佢地就會安排酒店車接載去Spa中心。我就做左個45分鍾嘅Gentleman Facial，但實在太舒服，感覺一陣間就完結了。

食完lunch就去酒店旁邊嘅Suria Sabah Shopping Mall行下，入面有超市、有各式各樣店舖同餐廳，G2000同Esprit都有。其中我最喜歡係Levi’s店，佢嘅售價都比香港平，部份更加接近半價。另一牌子Uni Qlo，亦會係10月初開將。

晚上食海鮮時間，就去左位於Sedco Complex嘅華興(Hua Hing Seafood)。離開酒店2公里，坐的士過去要$15RM (貴過$20RM就不要上車)。我地8個人，佢開架7人的士叫我地迫晒入去，連埋司機一共9個人。

佢好熱情咁向我地推銷冰淇淋 ^^ (上面影片)

呢一餐生猛海鮮有齊魚蝦蟹蠔、炒菜、白飯、飲品同甜品，最後每人只係夾$75RM。好滿足嘅一餐！

海鮮店位置：

Hua Hing Seafood, 4 , Jalan Kampung Air 4 , Sedco Complex, Blok a , 88300 Kota Kinabalu , Sabah

嚟到沙巴食好嘢係指定動作，由Hotel Grandis步行去怡豐咖啡茶店只要10分鐘。有好多飲品同食物，最平1蚊馬幣都有交易。朋友推薦叻沙同牛雜，因為我唔係好食得辣所以就選擇食牛雜。飲品方面，我就叫左杯雙層拉茶。

係沙巴嘅食嘢，店舖嘅感覺係好有懷舊feel。時間好似停頓左係幾十年前，連食物嘅價錢都係。睇下張餐牌$2.5RM(約$5HKD)一杯凍咖啡，呢個價位可能要老一輩香港人才經歷過。

晚上繼續去食好嘢！

沙巴(1) - 重遊舊地

十分感謝好友邀請，出席她在沙巴舉行的婚禮，並在沙巴遊玩了四天。今日開始同大家分享一下照片、影片及所見所聞。

上一次嚟沙巴已經係2001年，15年後見到沙巴多左幾間大型商場，由機場去Hotel Grandis途中經過開業只有半年嘅KK Times Square，可惜今次未有時間入去睇下。

係酒店放低行李之後，就出去行下街搵嘢食。