Eddie Martin Driving Tour: 10月 2015

2015年10月28日星期三

食軟雪榚本身係好普通嘅甜品，不過係沙巴一間雪榚店就將佢變得好有趣味性。

J Ice-cream 影片

係沙巴有一間叫J嘅雪榚店，賣嘅軟雪榚會塞入一條J形雪榚筒入面。好搞嘢架呢！而負責控制雪榚機係個大隻仔加小鮮肉，睇佢手臂就知好有力啦！

食J要RM10一條，係沙巴嚟講應該算係貴嘢！佢地情侶拍拖都嚟食。

其實間店裝飾都幾好，簡單之餘有好多小擺設。係沙巴咁熱，食雪榚真係啱晒！

我生存到今時今日，好少晨早起身個早餐係食飯。搞咩朝早走左去食飯呢?

待續......

好多人都知道沙巴出名係陽光海灘同肉骨茶，咁當然我都會享受晒呢幾樣啦！

但原來沙巴市民都好喜歡踢足球，係沙巴碼頭旁邊就有一座室內足球場，全部人造草。每小時租金由RM31.80-106.00，我欣賞佢有照顧埋女子足球，逢星期四晚係Ladies Nite租金係RM79.50/hr。睇見人地會咁樣去支持女子足球，反觀香港部份政策，真係連沙巴都不如。

今日日頭去完沙比島，係酒店休息左一陣，上酒店天台睇日落，跟住就去食晚餐。唔駛坐車，因為由Hotel Grandis行去新記肉骨茶只係5分鐘路程。

行到去門口已經企滿人，好彩我地有先頭部隊去攞位。肉骨茶、黃酒豬腰、福州魚丸、豆腐、咸菜粒…等等，食得好滿足之餘價錢亦十分大眾化。最後要整個椰青布旬，為呢一餐晚飯劃上完美句號。

新記肉骨茶 Sin Kee Bah Kut Teh : 26 Jalan Pantai, Kota Kinabalu, Sabah

之前又話有笑死人嘅食物，係咩呢？比張相你估下先。 ^^

待續…

完成左朋友嘅婚禮拍攝之後，今日出海玩下先。係Terminal Feri Kota Kinabalu售票處就可以買到去沙比島嘅船飛，浮潛用品都係售票處有得租。大約坐20分鐘快艇就到達沙比島，過程真係又緊張又刺激。

Video to Sapi Island 往沙比島影片

係沙比島可以玩浮潛、水上電單車、降傘…等等水上活動，今次係我第一次玩浮潛。初初開始玩係近岸位置試下，都有幾次錯誤吸左海水。掌握到浮潛呼吸方式之後，就開始游出去比較深水嘅地方。

係水入面可以清楚見到海底，陽光照射之下一條一條嘅光線就係海底出現。好靚呀！不過珊瑚同魚就比較少，呢樣就有少少失望。

Snorkeling video 浮潛影片

回程時候我地隻快艇比沙巴水警截停檢查，當地水警黑黑實實都幾靚仔。

Police video 沙巴水警影片

上左岸之後係碼頭附近四圍行，發現左一種如果係香港賣會笑死人嘅食物。

待續…