Eddie Martin Driving Tour: 11月 2015

2015年11月18日星期三

香港老爺車會年度展覽

日前(2015年11月)係香港遮打道有香港老爺車會年度展覽，咁我又八八卦卦去睇下啦！好彩下午只係天陰，無落雨。

有好多唔同牌子嘅老爺車展出，當中我比較喜歡嘅係一部Volkswagen型號Mk IX Ikara，由澳洲Bolwell生產。呢架起晒角嘅車，我只係嚮打機嘅時候玩過。真身就第一次見，估唔到香港都有一部係到。

可惜香港無賽車場，如果呢類展覽可以係賽車場舉行，就可以有地方比呢批車舒展下筋骨，大家又可以聽下佢地嘅引擎聲。

希望明年展出嘅時候，天氣可以好啲啦！

2015年11月8日星期日

係咁食，日日食，見到好嘢就食。係沙巴4日無做運動，一日三餐食好嘢！返到香港就要還啦！

一朝早就返去尋晚間肉骨茶店舖，就係為左想試下碟一品明星燒臘飯。RM18蚊一碟，係屬於貴價嘢！有燒肉、燒排骨、燒鴨、义燒、切雞、蛋及青菜，呢碟飯港幣接近40蚊。燒肉皮好脆呀！加埋一杯奶茶，係呢個咁悠閒同寧靜嘅環境食早餐，真係好正！

( 更多沙巴照片 )

食完就周圍行下影下相，係Hotel Grandis斜對面有一個空地，空地上面有好多石屎柱，每條柱都畫滿左塗鴉藝術。呢一種表達方式，係香港係比較難會見到，因為只要有空地，就會比地產商起樓。香港係完全無空間比大家係市區透下氣，沙巴就有啦！

返到酒店係時候食個午餐。

酒店天台係一個半露天餐廳，有埋露天游泳池，想係池邊食住游都得。4個人叫左漢堡、意粉同飯，個漢堡好正！你睇下佢入面嘅芝士，好多好有彈性，可以拉到長一長。哈哈！

食完呢一餐就要上飛機返香港啦！ T.T

2015年11月18日 星期三