Eddie Martin Driving Tour: 6月 2015

2015年6月22日星期一

自駕遊 - 澳洲(17) 足球

2015年澳洲自駕遊(十七) – 18/4 足球

Eddie Martin Driving Tour http://www.facebook.com/drivingtour

係返去悉尼市途中，無意間見到羊駝。哈哈！我都無想到係澳洲會見到佢地。我覺得同台灣羊駝嘅分別係，澳洲見到嘅羊駝成身毛都好厚，台灣見到嘅就比人剪左毛。

( 更多精彩照片 )

下午到達位於Parramatta嘅Wesley Lodge，Wesley Lodge好近Pirtek Stadium。我今晚去睇波，步行過去就可以啦！

Parramatta Park http://www.youtube.com/eddiemartin

上一次嚟澳洲，未有機會睇西悉尼流浪者主場比賽。今次較啱日子嚟到，終於可以睇到佢地主場比賽啦！

未入場前周圍睇下場外嘅活動，有比小朋友玩嘅足球攤位，有靚仔DJ係到打碟，有吉祥物同大家影相，又有雪榚車賣雪榚。場內就有賣主場波衫，現場買有折扣抵過上官網買，又唔駛收運費。

我支持主隊西悉尼流浪者之餘，另一目標就係客隊阿德萊德聯嘅領隊甘巴爾先生，佢亦係前香港傑志足球隊教練。甘巴爾見到我條傑志頸巾就好開心，即刻幫我簽名同合照。

睇完波晚飯就去Westfield Parramattayr商場，入面有戲院、超級市場、好多店舖同餐館。我選擇左日式連鎖店Sushi Bay，有刺生、壽司同拉麵…等等，價錢合理。

到左聽朝就去食個靚早餐

2015年6月12日星期五

自駕遊 - 澳洲(16) 汽車渡輪

2015年澳洲自駕遊(十六) – 18/4 汽車渡輪

Eddie Martin Driving Tour http://www.facebook.com/drivingtour

自駕遊想睇多點風景，就係盡量唔行高速公路。離開Morisset Hospital去Berowra Waters Ferry，導航會叫你行M1公路。而我就選擇行Wyee Rd及Hue Hue Rd，最後左轉入Sparks Rd先駛上M1，行一大段高速公路係Berowra出口離開跟住就進入Berowra區。

Berowra Waters Rd係一條又窄又多彎嘅山路，部份位置只夠一架車經過。再駕駛20-30分鐘就到達汽車渡輪碼頭，大家一架跟一架排隊等候上船。整個航程大約3分鐘，而且係免費汽車渡輪服務。

呢3分鐘可以欣賞一下河境，周圍環境好寧靜，船都行得好悠閒。影片入面可以見到四面環山，係咁舒適嘅環境我真係好想長住係澳洲。

( Berowra Waters Ferry 影片 )

今次影片加入左模擬功能，可以一邊睇一邊控制方向，比大家真係360度去欣賞風景。

( Berowra Waters Ferry VR功能影片 )

坐完汽車渡輪，係時候食lunch同去悉尼市啦！

2015年6月11日星期四

自駕遊 - 澳洲(15) 野生袋鼠

2015年澳洲自駕遊(十五) – 18/4 野生袋鼠

Eddie Martin Driving Tour http://www.facebook.com/drivingtour

今朝會去Lake Macquarie State Recreation Area附近的一片大草地，據聞有好多野生袋鼠係個度聚集。希望我去到嘅時候，佢地係度啦！

由Travelodge Newcastle出發大約一個鐘頭就到達目的地，唔駛上高速公路沿B57接B53公路行就可以，見到Morisset Hospital指示左轉入Fishery Point Rd之後右轉Silky Oak Dr就會經過Morisset Hospital Psychiatric Services的建築物，最後右轉入Acacia Ave係右手邊就係大草原。

我泊好車之後就走向袋鼠，佢地最初都無咩理我。但當我拿出香蕉之後，佢地就望住我，有幾隻比較好奇嘅袋鼠跳過嚟！知道有香蕉食之後，我地即刻fan左。佢地好主動過嚟食我手上嘅香蕉，亦都開始接受比我摸下。

( 餵袋鼠影片 https://www.youtube.com/watch?v=bCrABSBIAOM )

大家熟絡左之後，就嚟個自拍合照先。另外，我發現原來袋鼠唔係好喜歡比人摸頭頂，摸下巴佢地就幾接受。

餵佢地食香蕉要先把香蕉切開，因為成條太大而佢地個口又比較細，切開一片片佢地就會容易食。唔好餵麵包，佢地唔LIKE。最好嘅食物係香蕉及蘋果，當然要切開埋啦！

( 更多可愛袋鼠照片 )

順帶一提，帶去大自然嘅所有物品，包括裝食物嘅膠袋記住走嘅時候帶埋走。話晒個地方係袋鼠屋企，去人地屋企要保持清潔，將所以帶嚟物品帶走。

開心之後跟住去玩一樣，香港曾經有過嘅交通工具。

2015年6月1日星期一

自駕遊 - 澳洲(14) 睇紐卡素及食海鮮

2015年澳洲自駕遊(十四) – 17/4 NewCastle

Eddie Martin Driving Tour http://www.facebook.com/drivingtour

離開Tree Top Adventure Park就去位於 Tuggerah Lake﹝塘鵝湖﹞旁邊嘅Pelicans Wharf Family Restaurant食海鮮，選擇去呢到食lunch係因為我想搵一間係可以睇到海嘅地方，好好享受午餐。

( 影片 – 途中遇上澳洲公路巡警，好彩唔係捉我超速。 )

我一個人食唔到太多，所以只係點左一條魚同一盤蝦，可能人在外地心情靚啦！加上開揚嘅環境，我感覺呢一餐好滿足。

( 打開更多澳洲精彩照片 )

餐館我老闆好nice(照片中就是他)，同佢傾左一陣，知道佢準備退休了，而呢間餐館亦會出售。可惜呀！我下一次嚟澳洲嘅時候，未必有機會再可以係Pelicans Wharf Family Restaurant食海鮮了。

塘鵝湖真係好多塘鵝，我食飽之後就係湖邊行下，影下相。食個午餐都可以咁舒服咁寧靜，澳洲實在太美好了。

下午到達入住的Travelodge Newcastle，由呢到開車去Hunter Stadium十分鐘就到。而家距離比賽仲有一段時間，我就去附近嘅Nobbys Beach行下先，個度有一座Nobbys Lighthouse。由於已經開始入秋天氣比較涼快，所以無咩人係沙灘玩。沿海灘小路可以行到燈塔，夜晚係到拍拖應該很浪漫吧！