澳洲美女餐廳

老老柒柒 (呢期旺個”柒”字)，香港間Hooters我未去過，如果有人去過，話我知好唔好玩。

澳洲夜生活好玩，呢個一定啦！我今次就去一去當地Hooters感受一下。

Facebook page: http://www.facebook.com/drivingtour

負責serve我張枱嘅靚女侍應叫Monica，佢身材有幾勁？大家自己估啦！

埋嚟介紹完佢自己同餐牌內容之後，佢見我係到影相，就主動話同我嚟張自拍合照。

咁啱有人係到搞生日，三位靚女侍應就同生日主角玩遊戲，就係要主角團呼拉圈。同時間侍應叫大家一起打拍，鼓勵一下。

影片: Birthday man in Hooters

靚女侍應同主角玩完遊戲之後，隔左一陣就播出強勁音樂，三位靚女係到跳舞，搞熱個場。

佢地跳跳下，拉左個男仔出去同佢地一齊跳。

影片: Sexy ladies dancing in Hooters

餐廳入面有遊戲機玩，又有投注機，仲有多部大電視。

如果撞正直播賽事，相信會熱鬧好多。

一間餐廳可以有嘢食、有酒飲、有街機玩、有場外投注，係香港唔駛諗啦！

影片: Dancing with hot ladies

我係Hooters淨係飲左杯雞尾酒同食左碟蝦。係呀！叫左好少嘢食！

因為之前係The Old Road Café食得好飽，根本都未肚餓。

Hooters of Parramatta - 132 James Ruse Dr, Rosehill NSW 2142 (地下有大量免費泊車位)

介紹埋呢條橋比大家，Peats Ferry Bridge。位於舊Pacific Hwy (B83)，連接Mooney Mooney及Brooklyn，因為我唔趕時間，所以我離開M1公路走去行舊Pacific Hwy。識玩自駕遊，就盡量唔行高速公路同收費高速公路。

全景影片: Peats Ferry Bridge

*去完Hooters之後我去左邊到食好嘢，係facebook page PM問我啦！

2017年2月20日

2017年澳洲自駕遊﹝4﹞

野生袋鼠好醒目

到左澳洲兩日仍然感覺唔係好舒服，好彩Motel旁邊就有間診所Queens Road Medical Centre。診所有講中文嘅醫生，不過接待員話睇英文醫生唔駛等，咁我就選擇左英文醫生。接待員好好人，可以講廣東話，知道我係嚟旅遊有買旅遊保險，比埋單據我返香港clam錢。(遊客診金$50AUD)

睇完醫生先知道，原來澳洲嘅醫生係唔會開藥比傷風咳嘅人。醫生好詳細解釋我個情況，話頭一兩日係最辛苦，之後身體就會有抗體去對抗病菌，佢叫我繼續食成藥。

睇完醫生就馬上出發去探野生袋鼠 ^^ Facebook page: http://www.facebook.com/drivingtour

由Sydney開車去Morisset探野生袋鼠，途中見到有條以汪星人叫聲命名嘅路Woy Woy Road。見個名咁得意駛入去行下先，行行下見到有個Staples Lookout就停低休息一陣。自駕遊就係咁好玩，見到有咩得意嘢就停下睇下。途中我去左一個shopping mall，賣左樣嘢帶去送比袋鼠。

每次嚟澳洲我都會去Morisset探下一班野生袋鼠，今次買左隻公仔帶埋去。圖中呢一隻小袋鼠唔抗拒，好樂意同隻公仔一齊。今次已經係我第3次嚟Morisset，我發現佢地開始知道人類嚟做咩。佢地一見到我手上個超級市場背心膠袋，已經好開心跳晒埋嚟，有啲心急嘅袋鼠會主動伸手入我個袋到搵野食。基本上袋鼠都好溫順嘅﹝好過香港啲馬騮﹞，唔會夾硬嚟，見到我手上無香蕉就會停手，最多企係到等一陣睇下我重有無食物派。

餵袋鼠食香蕉影片

我帶去嘢公仔，袋鼠都好好奇係咩嚟，有啲會抱下隻公仔添，哈哈！公仔最後都成功同袋鼠合照，好搞笑。

袋鼠抱住公仔影片

探完袋鼠就去tea一tea，我選擇離開M1行舊Pacific Hwy (B83)，去位於舊公路上嘅The Old Road Café。店主有隻狗，隻狗好友善會走埋嚟比你摸下佢。我係呢度叫左份牛排三文治同咖啡，份三文治除左牛排之外重加入左多種疏菜，一路食會有好多菜汁同肉汁走出嚟！好正呀！咁樣份三文治食嘅時候就唔會有乾嘅感覺，好好味！呢間café，值得推薦比大家去試下，大前提係你要唔好趕時間。慢慢生活、慢慢享受，先會食到食物嘅好味道。

The Old Road Café: 170 Pacific Hwy, Mount White NSW 2250

https://www.facebook.com/TheOldRoadCafe

離開café繼續行舊公路，夜晚去Hooters。

2017年2月20日

2017年澳洲自駕遊﹝3﹞

*外出旅遊請勿高聲講話，尤其講電話嘅時候。 *自已垃圾自已帶走 *時刻保持禮貌

汽車博物館

係澳洲有好多汽車博物館，今次首先帶大家去位於Gosford嘅Gosford Classic Car Museum，之後去墨爾本途中會介紹另一個汽車博物館比大家。

Facebook page: http://www.facebook.com/drivingtour

Gosford Classic Car Museum係Central Coast Stadium附近，好方便我下午睇中岸水手嘅A-league比賽。博物館大約展出450部車，總價值超過7000萬美元。款式方面包括1948-1978年全線Holden汽車、超跑、消防車、一部三萬六千匹嘅火箭車、多部福士旅行VAN…等等。

如果你有本錢，呢個博物館可以幫到你。佢提供買賣經典車服務，無論放車或者買車都得，場內有一個出售區域，睇啱可以打包返架車香港。

場地咁大行完都會攰啦！係博物館正門就有美食車，提供熱狗、薯條、沙律、飲品…。我自己就行左兩個鐘，不過如果有女伴同行可能女仔行兩個字(10分鐘)已經叫悶，哈哈！

汽車博物館照片： https://www.facebook.com/pg/drivingtour/photos/?ref=page_internal

食飽休息夠就去睇A-league，圍繞Central Coast Stadium有好多街邊位，係可以免費泊車。泊好車可以行下旁邊嘅Gosford City Park，想再食嘢可以行去海邊嘅餐廳。

呢場係嚟到澳洲睇嘅第二場A-league比賽，中岸水手主場VS墨爾本勝利。入場有禮物攞，一支旗同贊助商贈品。贊助商嘅公仔會係比賽前周圍行，同小球迷玩。大會搞左個賽跑比賽，好多小球迷參加，如果入到決賽，一陣間中場休息時就可以展露身手。

比賽前比賽後影片

唔去過都唔知，原來完左場球迷可以落草地開心下。好多小球迷帶埋足球入去踢，即時好有中學feel因為同一時間有好多波係球場亂咁飛。不過最估唔到係天氣，日頭藍天白雲但完左場之後無幾耐烏雲蓋頂，落雨落到黑雨咁。等到雨勢無咁勁，就馬上開車返悉尼食晚餐。

2017年2月19日

2017年澳洲自駕遊﹝2﹞

*外出旅遊請勿高聲講話，尤其講電話嘅時候。 *自已垃圾自已帶走 *時刻保持禮貌

Koleos澳洲自駕遊

今次嚟澳洲自駕遊，行程包括睇4場足球比賽﹝3場A-league加1場亞冠分組賽﹞，參觀兩間汽車博物館，開車上雪山但唔係滑雪，又會開車來回悉尼及墨爾本。食方面會介紹係社區入面嘅得獎海鮮店，會去韓國街食好嘢，又會帶大家去睇古蹟同食地獄甜品。

Facebook page:  http://www.facebook.com/drivingtour

 更多旅遊照片

到步悉尼之後係機場攞車先，我經Europcar book左Renault Koleos。由於我已經網上check in，所以埋到counter只需要比會員卡、信用卡同香港駕駛執照就可以。如果無會員卡就要比passport佢睇，基本上手續好方便。

之前ViuTv個旅遊節目，女主持話係澳洲租車要國際車牌，但我去左澳洲咁多年，次次租車都係用香港駕駛執照，人地係唔會睇國際車牌喎！

*去旅行租車，記住、記住、記住買全保。切勿貪平買最基本嘅車保，萬一有意外發生分分鐘賠一大筆錢。

攞左車之後就開車去Allianz Stadium，專程去Stadium Store睇下FC悉尼有無咩減價貨賣。今季FC悉尼係A-league嘅成績相當之好，目前高據榜首位置。成績咁好，所以佢嘅產品都好好賣，一件主場波衫賣$110AUD。

Stadium Store - Official Team Merchandise

Allianz Stadium Moore Park, Driver Ave, Sydney NSW 2021

返左Motel午睡一陣，跟住就開車去ANZ Stadium睇悉尼打呲。由西悉尼流浪者主場對FC悉尼，我預先已經係網上買左泊車飛，去到球場就可以直接泊去最近嘅P1停車場。

Motel：175 (formerly Wesley Lodge) 175 Hawkesbury Rd, Westmead NSW 2145

我次次都選擇入住上面呢間Motel，好處係佢24小時有職員當值，出入停車場要輸入密碼，而且密碼日日改。Motel附近有餐廳、診所、超級市場、鐵路站、油站、公園，地理位置係好方便。

講返悉尼打呲，係球場外面已經好多球迷，一大班FC悉尼球迷係我面對經過，佢地大大聲唱歌，情勢高漲。球場入面有TAB投注站，可以即場落注，我買左全場比數1:1，可惜最終係1:0西流贏左。雖然投注輸左，不過見到自己喜歡嘅西流贏左波，我都好開心，現場嘅RBB就更加興奮啦！

現場感受悉尼打呲熱鬧氣氛影片

聽日繼續睇波，會開車去Central Coast睇中岸水手主場比賽。

2017年2月18日

2017年澳洲自駕遊﹝1﹞

*外出旅遊請勿高聲講話，尤其講電話嘅時候。 *自已垃圾自已帶走 *時刻保持禮貌