同一個地方，每一次去都可以有新發現。

今日開車去梅窩、大澳同埋深屈，係秋記食完個早餐，就行去銀礦瀑布，順道發掘一下有咩係上次錯過左。

路邊嘅花、信箱、單車都唔放過，今次重見到一大群牛係到食草呀！

 

之間去到大澳，先去食件碳燒雞蛋仔，好好味呀！

 食完就去探下我掛住嘅貓貓，佢地好熱情，五六隻圍住我。哈哈！

午餐就係大澳文物酒店，食蝦醬雞翼、飲紅樹林特飲。

 係大澳參觀左大澳鄉事委員會歷史文化室，有好多歷史照片同物件展出，值得去睇睇。

最後去埋深屈，深屈道只夠一架車行駛，不過整條路都有好多避車處。不過深屈村無咩景點，所以可以留返大把時間淨嘅時候先去。

最荒謬係，係深屈道部份位置，手提電話會跳左去大陸個邊。喂！我係香港呀！(下刪一大段粗口)

12小時長途駕駛

玩完Bobsled就繼續趕路去Albury，離開Thredbo沿Alpine Way穿越Mt. Kosciuszko駛往目的地。我由海拔1580米高嘅Dead Horse Gap，一直落斜下降到海拔600米。我左邊係山崖，無欄杆，加上部份路段剛好夠一架車過，當遇到對頭車就要好小心。

Alpine Way影片

穿越森林之後，係呢到有一個景點介紹比大家，就係Murray 1 Power Station。呢個貫穿Snowy Mountains嘅Murray 1 Power Station，由幾條超級粗嘅喉管插入山裡面，去到另一邊嘅湖抽取湖水。呢一段外露嘅喉管，大約長1500米，眼前只係見到一少部份。發電廠有訪客中心，可以入去參觀。

繼續向前駕駛就到達Khancoban Dam，湖水由Murray 1 Power Station去到Murray 2 Power Station，再經Swampy Plain River嚟到呢個水壩排放出去。我係水壩上面，走左一轉。

水壩上駕駛影片

 

水壩排洪影片

係水壩hea完之後，繼續趕路。去到一個叫Old Tallangatta Lookout嘅地方，呢到望出去係舊城區位置，大部份已經係水底入面，新嘅Tallangatta已經搬左去9公里外嘅地方。過左Tallangatta之後，再駕駛多40分鐘就到達今晚嘅目的地Albury。

 

呢個位置熱到38度，我唔中暑已經好叻。

朝早7點開車離開Sydney，過左12個鐘頭之後，終於係Albury食晚餐。Dean St係Albury嘅市中心，食玩瞓都係呢一條街。呢度有好多間餐廳，有酒吧，有賭場，有星級酒店，有商店shopping，有戲院。我選擇左係Downtown Pizzeria食個 BEEF LASAGNE。

今晚入往Albury Burvale Motor Inn，服務好好wifi又夠快，電視有Fox Sport頻道。記住要book豪華房，因為平價房間無Fox Sport同埋個wifi無咁好。

瞓完聽日去參觀另一間汽車博物館。

2017年2月22日

2017年澳洲自駕遊﹝7﹞

玩乾地雪橇

影片：Thredbo Bobsled乾地雪橇

由Sydney去Albury，google map會教你行M31公路5個幾鐘頭就到。但自駕遊精神係，可以就唔行高速公路，同埋我想去Thredbo玩Bobsled，所以我嘅行程係由Sydney出發經Thredbo去Albury，最終用左12個鐘頭去到Albury食晚餐。

晨早7點係Motel開車出發，沿途所見向悉尼方向返工嘅車大排長龍，而我就反方向離開悉尼。係M31公路見到有電單車抄左，經過時已經有警察同救護車，司機就飛出左嚟係地上面。希望佢平安啦！

影片： Motorcycle crash on M31

開長途車一定要有靚嘅汽車音響陪住，今次租到呢架Renault Koleos就有好正嘅BOSE音響系統。

去到Weereewa Lookout入去休息一陣，係呢到可以睇到Lake George同對岸嘅風力發電機。離開Weereewa Lookout開多15分鐘，就到達我預定嘅入油地方United Petroleum。

United Petroleum, 8 Federal Hwy, Sutton NSW 2620

過左Sutton就開始感受到M23郊區公路嘅美，一望無際嘅公路，晴朗藍天，兩旁高高嘅大樹。

影片： M23 Majura Parkway

係睇唔見盡頭嘅公路開車係好爽，呢條係B23 Monaro Hwy。不過我發現，係澳洲公路上嘅昆蟲大得有啲恐怖，兩隻手指咁粗。B23公路兩邊都係農田，一路有好多呢類昆蟲飛出嚟！我撞死左好多隻，呢隻係其中一隻。

影片：B23 Monaro Hwy

去Thredbo途中見到一排好有個性嘅信箱，即刻停車影下先。十幾個信箱各有特色，有油桶、牛奶桶、焗爐、雀仔屋......等等。城市人就無呢種福氣，可以自家製信箱，係城市入面個個信箱都係一模一樣。

嚟到Snowy Mountains Hwy遇到公路維修，我要跟指示停車，係到等安全車帶領，通過維修路段。

影片：Snowy Mountains Highway gravel road

去到Jindabyne又係一個環境好正嘅地方，成個鎮對住個湖Lake Jindabyne，夏天可以係湖上面玩水上活動。嚟到呢度已經離開左Snowy Mountains Hwy行緊Kosciuszko Rd，再開20分鐘車就會去到Kosciuszko National Park Entrance Gates，要係收費亭買pass先可以繼續開車前進。( Day pass私家車收$17AUD )

係Kosciuszko Rd轉入Alpine Way高山之路，整條Alpine Way都係九曲十三彎，要打醒精神呀！

Alpine Way呢條路兩旁都係森林，好多綠色植物，好舒服。通過左Kosciuszko National Park Entrance Gates沿Alpine Way行多一陣就到達Threbo啦！

見到人地係公路開經典車，真係好羨慕呀！

到左Thredbo即刻走去玩滑道。售票處係Thredbo Resort Info Centre斜對面，過橋後左手邊間商店，入去收銀處買飛。另外就係唔好比出面個指示牌呃左，我見到有個closed嘅牌排左係Bobsled旁邊，以為老遠嚟到無得玩。咁我唔理啦照入去問店員，佢話有得玩，出面個牌壞左。

影片：Thredbo Bobsled乾地雪橇

2017年2月22日

2017年澳洲自駕遊﹝6﹞