Eddie Martin Driving Tour: 8月 2015

2015年8月22日星期六

2015年澳洲自駕遊(二十) – 19/4 汽車集會遇上澳洲警察

到左晚上就去參加一個當地華人舉行嘅車聚﹝悉尼跑車俱樂部屌絲車隊﹞，各式各樣跑車出現係一個露天停車場，當中最名貴就一定係McLaren啦！有靚車、有靚女，大家熱鬧一番之後就開車去吹吹風啦！

其實係聚集期間都有當地警車到場了解，但絕對有別於香港警察要拉要鎖的態度。澳洲警車嚟到巡左一個圈之後，就提醒我地開車時唔好呼大油搞得太嘈，以免附近居民投訴。正所謂你對我好、我對你好，對於澳洲警察呢個要求當然OK啦！大家亦繼續吹水同睇車。

上午係Sea Cliff Bridge都見到好多靚車，當中包括1958-1960 "MG A Twin Cam", 70’s Ford Mustang, Mercury Motorcycle… etc.

而係Three Sisters同Bathurst都見到有吸引力嘅車，有Honda Prelude, Ferrari 308 GTB/GTS同埋大水牛嘅房車。

大家入去澳洲靚車相集睇下啦！

2015年澳洲自駕遊(十九) – 19/4 行山

係我到達Sea Cliff Bridge之前停留過嘅lookout位置，有一條Wodi Wodi Track行山徑。我就行左一少段路程，途中會係鐵路下面穿過，又會上左半山係樹林入面行走。部份樹洞入面有好靚嘅植物，當然係有劇毒啦！

行山雖然又熱又辛苦，但都開心嘅時候，就係見到同主人一齊嚟行山嘅汪星人。(睇片)

2015年澳洲自駕遊(十八) – 19/4 早餐

最後一個full day係澳洲，今日要去一條橋，呢條橋好多旅遊網站都有介紹，就係Sea Cliff Bridge。一條沿海公路，遠望南極。係Sea Cliff Bridge附近有間café，我開車去食個早餐先。

The Palms Café環境幾好，有露天同室內位置選擇，我就坐左入室內。早餐有好多款式，我叫左The Plams Big Breakfast。

係café入面遇上一位健談嘅爺爺(Trevor Stephens)，原來佢係一位攝影高手。佢除左同我分享係佢手機入面嘅照片之外，仲介紹我去附近一處可以看海和行山的好地方。佢好好人親手畫埋一張地圖比我，話我知個lookout位置。

個lookout位真係好正，可以遠眺南極同感受到由南極而來的強風。嘩！啲風好似冷氣咁凍。

繼續向前行就係悉尼自駕遊必到景點Sea Cliff Bridge，由於係當地景點所有設計上已經有埋位置比人泊車。橋上面有行人路，泊好車就可以係橋上步行同影相。我發現有唔少中古車同靚車係Sea Cliff Bridge出現，睇嚟呢一區可能係豪宅區。