沙巴(5) – 沙比島 Pulau
Sapi (Sapi Island)
完成左朋友嘅婚禮拍攝之後，今日出海玩下先。係Terminal Feri Kota
Kinabalu售票處就可以買到去沙比島嘅船飛，浮潛用品都係售票處有得租。大約坐20分鐘快艇就到達沙比島，過程真係又緊張又刺激。
Video to Sapi Island 往沙比島影片
係沙比島可以玩浮潛、水上電單車、降傘…等等水上活動，今次係我第一次玩浮潛。初初開始玩係近岸位置試下，都有幾次錯誤吸左海水。掌握到浮潛呼吸方式之後，就開始游出去比較深水嘅地方。
係水入面可以清楚見到海底，陽光照射之下一條一條嘅光線就係海底出現。好靚呀！不過珊瑚同魚就比較少，呢樣就有少少失望。
Snorkeling video 浮潛影片
回程時候我地隻快艇比沙巴水警截停檢查，當地水警黑黑實實都幾靚仔。
Police video 沙巴水警影片
上左岸之後係碼頭附近四圍行，發現左一種如果係香港賣會笑死人嘅食物。
