沙巴(8) – 早餐同午餐
係咁食，日日食，見到好嘢就食。係沙巴4日無做運動，一日三餐食好嘢！返到香港就要還啦！
一朝早就返去尋晚間肉骨茶店舖，就係為左想試下碟一品明星燒臘飯。RM18蚊一碟，係屬於貴價嘢！有燒肉、燒排骨、燒鴨、义燒、切雞、蛋及青菜，呢碟飯港幣接近40蚊。燒肉皮好脆呀！加埋一杯奶茶，係呢個咁悠閒同寧靜嘅環境食早餐，真係好正！
( 更多沙巴照片 )
食完就周圍行下影下相，係Hotel Grandis斜對面有一個空地，空地上面有好多石屎柱，每條柱都畫滿左塗鴉藝術。呢一種表達方式，係香港係比較難會見到，因為只要有空地，就會比地產商起樓。香港係完全無空間比大家係市區透下氣，沙巴就有啦！
返到酒店係時候食個午餐。
酒店天台係一個半露天餐廳，有埋露天游泳池，想係池邊食住游都得。4個人叫左漢堡、意粉同飯，個漢堡好正！你睇下佢入面嘅芝士，好多好有彈性，可以拉到長一長。哈哈！
