鋒味曲奇 Chef Nic
未夠鐘出發去自駕遊之前，同大家介紹下係香港嘅好嘢先。
今日去到太古城中心，見到多左一間曲奇餅店，望下個名「鋒味」。原來鋒味曲奇由2015年12月開始進駐太古城中心，呢一間係Popup Store即係話有限時間嘅店舖，店員話呢間專門店未來半年都會係太古城中心。
( 更多照片 )
其實佢係中環開張之後，我一直都想去試，但聽聞好多人排隊所以一直未去買。而家係太古城中心就方便啦！加上聖誕就快到，「鋒味」推出左聖誕曲奇，有糖薑曲奇、牛奶曲奇、小紅莓曲奇及蜂蜜腰果。長方形包裝，加上紅色綠色設計，自己食甚至做聖誕party嘅小食都係好選擇。
而一個主打嘅甜酸苦辣味，我今日先第一次試食。最想講下個辣味曲奇，第一口無咩感覺，店員話要過一陣先會感受到個味。真係！堅係辣！店員同我繼續講解一陣之後，我就開始feel到辣嘅感覺，唔講得笑。雖然係辣，不過I like it。
最後我買左一盒聖誕曲奇同一盒甜酸苦辣，而家有套裝價我認為係抵買，加兩蚊要埋佢個環保袋。
