2015年澳洲自駕遊(1) – 25/12聖誕快樂
2015年實現左其中一個人生目標，就係要去澳洲過一個熱辣辣嘅聖誕節。已經返左香港一個星期，我手上嘅皮膚都開始脫落，因為係澳洲曬到濃左。
講起出發當日，咁啱落起大雨。我打電話call的士去機場，佢地忙到連電話都唔聽。最後係Uber X嘅車送我去機場，司機話佢地係一間教會機構同Uber傾條件，車費會用係教會工作上，簡接籌款之餘Uber亦會提供入油coupon比佢地減低開支。
聖誕節嘅香港機場，有表演、有抽獎、有聖誕警犬…，整體感覺係開開心心。
(更多照片 https://www.facebook.com/media/set/?set=a.1125063837505284.1073741869.217576748254002&type=3 )
我要由香港去新加坡轉機，呢一程機有聖誕午餐食，有火雞同聖誕蛋糕。呢個安排真係好warm，好喜歡新加坡航空。
由新加坡去悉尼嘅長途機上，我今次就加左錢坐Preferred Seat。Preferred Seat係會比一般經濟客位多好多腿部空間，可以比我好舒服咁瞓覺同睇戲。係飛機上睇左幾套戲，包括「一獄一世界」、「破風」、「巴黎假期」、「火星任務」、「見習無限耆」、「想入非非」…等等。想講下「想入飛飛」，呢部係新加坡電影，主要講主角﹝主角蔡淳佳
– 新加坡女歌手﹞要照顧家中年老的爸爸，而佢又好喜歡唱歌，要係人生交叉點作出決擇。影片更加向前輩鳳飛飛致敬，入面有好多金由。「想入飛飛」係一部溫暖人心嘅電影，值得推介。
到達悉尼係12月16日早上，係Boxing Day呀！即刻去shoppiong啦！
