2015年澳洲自駕遊(三) – 17/4 紐卡素
今日行徨緊湊，6點就開車趕去Wyong玩Tree Top Crazy Ride﹝衝樹頂﹞。由Bathurst去Wyong要4個小時，我book左11點玩。但係心情一直都好擔心，因為早上落大雨，如果去到集合點仍然落大雨，咁就無得玩啦！可以改期但唔會退錢。
落大雨開車已經行得唔快，係山上面重要加埋大霧，最嚴重時能見度大約得幾百米，想快都難。究竟我最後有無衝樹頂呢！哈哈，係有嘅！不過當中發生左一件事，場地負責人最終要退回部份款項比我。
玩完衝樹頂就去Pelicans Wharf Family Restaurant食lunch，呢間店我係用google map搵出嚟，我一心想搵間係海邊嘅海鮮店食午餐，咁係google睇見餐廳周圍環境都好好，所以就去啦！最後係comfirm左我呢個決定係絕對正確，我一個人order左一條魚同一大碗蝦，老闆娘會幫你決定埋點煮。
大家如果想去食就要快了，因為老闆同我講佢已經係到做左23年，而家放盤出售，之後就會退休。未來買家有可能改建做住宅，到時想食都無得食。
晚上就係Hunter Stadium欣賞紐卡素噴射機vs FC Sydney的足球比賽。
沒有留言:
不接受新意見。