2015年澳洲自駕遊(六) – 14/4 出發
今次去悉尼選擇坐新加坡航空公司,原因係我想試下坐最大型客機A380。由香港出發去新加坡大約3個半鐘頭,再由新加坡飛7小時到達悉尼國際機場。
新加坡機場有3個Terminal (T1-T3),距離唔係太遠,我轉機要由T1去T3,步行20分鐘就到。如果坐Sky train就可以直接由T1去到T3,幾分鐘就到。
除左商店同食店之外,新加坡機場都設置左部份比小朋友玩嘅地方,而大人就可以係機場內嘅公園行下,公園入面有埋雀仔叫嘅音響效果。
新加坡航空公司嘅飛機餐ok呀!但最好味係個甜品,全部都係Haagen-Dazs雪榚、甜筒同雪條。正!