兩日三夜 新加坡 (1)
Facebook page: http://www.facebook.com/drivingtour
一返到香港即刻同大家推薦呢個背囊先，先講價錢。係新加坡買個好啲嘅背囊閒閒地都要幾十坡紙，過百坡紙一個更加係濕濕碎。
留意啦！樟宜機場T3 Basement 2係一個商場，我今日上機前就去行下啦！一心都想買個新背囊，掉左用整嗰個。行到去Mini Toons見到門口有好多款背囊，外型又OK (唔差得過P字頭 ^^)。離遠見到個牌寫$15，以為係減15蚊，因為嚟左幾日都唔多見售價係100蚊港紙以內又唔樣衰嘅背囊。
行埋去一睇，原來真係賣$15坡紙，比多啲計6算，都係90蚊港紙。我即刻買，即刻用。
順帶講埋，呢個商場會照顧埋一眾係機場工作嘅員工，入面個food court好多選擇，而且價錢平過係出入境大堂同禁區入面嘅店舖。去試下啦！
另外，商場都有為父母設想，有一個以Mr. Bean為主題嘅遊樂場Teddy & Me，可以放低小朋友係到玩，自己輕輕鬆鬆去shopping。
