大嶼山自駕遊 (4)
開車去到大澳會先見到新落成嘅公共屋村，繼續向前行停車場就係左手邊，講真新嘅建築物同原有大澳鄉村感覺真係好唔夾。
Facebook Page: http://www.facebook.com/drivingtour
係停車場旁邊就係大澳永安街，今日唔係假期遊客唔多，所以有開門營業嘅店舖都比較少。店舖係買海產為主，例如魚肚、蝦膏、咸魚…等等。我係其中一間店舖食左碟沙爆魚肚，個醬有小小辣，加埋熱辣辣嘅魚肚，好正！
我目的地係行去大澳文物酒店，由停車場行去大約15-20分鐘。沿途有好多影相位，樹屋、大會堂、消防局、蝦廠…，仲有好多友善嘅喵星人和汪星人。我遇到一位喵星人，佢見到我舉機影佢就會走埋嚟我到轉來轉去，好搞笑。其他喵星人都好識得望鏡頭，呢方面汪星人就差左少少。
走入大澳文物酒店，為嘅就係要食佢個蝦醬豬扖飽。意想不到係，原來間餐廳 ( Tai O
Lookout ) 個view都幾好，而間餐廳環境都十分理想。蝦醬豬扖飽係當日Afternoon Tea其中一個選擇，Tea Set包埋薯條同一杯飲品。我選擇加錢試下佢獨有嘅紅樹林特飲 (紫貝天葵汁、蘋果汁和檸檬汁)，呢杯三色飲品酸酸甜甜好開胃下。蝦醬加豬扖嘅味道比例剛剛好，不會太咸，每一啖都同時有豬同蝦嘅味道，很特別。
( 更多照片：
不過今次未有機會試埋蝦醬雞翼，下次再嚟一定要試下。咁食完可以係海邊散步，幫助消化。
